ძვირფასო მეგობრებო!!
უპირველეს ყოვლისა მადლობას გიხდით იმ მხარდაჭერისა და ინტერესისთვის, რომელსაც თქვენ გამოხატავთ ქალბატონი ნანი ბრეგვაძის საიუბილეო 85 წლისადმი მიძღვნილი ღონისძიებებისადმი.
ბათუმში საიუბილეო კონცერტი დაგეგმილი იყო 2021 წლის 5 სექტემბერს გონიოს ციხე-სიმაგრის ტერიტორიაზე. საქართველოში უკანასკნელ პერიოდში ეპიდემიის გამწვავების გამო დაწესებული COVID რეგულაციების გათვალისწინებით, საქართველოს მთავრობამ მიიღო გადაწყვეტილება 4 სექტემბრამდე აიკრძალოს კონცერტები და მსგავსი ტიპის ღონისძიებები, როგორც დახურულ სივრცეში, ასევე ღია ცის ქვეშ. ზემოაღნიშნულის გათვალისწინებით საორგანიზაციო ჯგუფმა მიიღო გადაწყვეტილება საიუბილეო საღამო დაიგეგმოს 25 სექტემბერს; სექტემბრის ბოლოს ღია ცის ქვეშ ამინდის გაუარესების რისკების აცილების მიზნით, მიზანშეწონილია საღამო ჩატარდეს ბათუმის მუსიკალურ ცენტრში COVID რეგულაციების სრული დაცვით.
ვისაც უკვე შეძენილი გაქვთ ბილეთები 5 სექტემბერზე, არ იღელვოთ, თქვენი სურვილის შესაბამისად ან გადაგიცვლით 25 სექტემბრის ბილეთებზე, ან დაგიბრუნდებათ გადახდილი თანხა.
25 სექტემბრის კონცერტის ბილეთები უახლოს დღეებში დაიდება TKT.GE-ზე.
გისურვებთ წარმატებებს
გვიყვარხართ და გელოდებით ყველას.
25 სექტემბერი შაბათი დღეა, რომელიც სპეციალურად შევარჩიეთ, რათა ყველა მსურველმა შეძლოს დასწრება და ჩვენთან ერთად გაატაროს უიქ-ენდი და დაესწროს საუკუნის საღამოს.
ნანი 85
