საქართველოს კულტურის პალატის ინიციატივით და ორგანიზებით ორწლიანი პანდემიური ინტერვალის შემდეგ 2022 წლის 5 ნოემბერს, ტრადიციულად ქალაქ თელავში, ერეკლე მეფის მოედანზე, რიგით მესამე ფესტივალი „ჭაჭა“ გაიმართა.
ფესტივალში მონაწილეობდა კახეთის რვა მუნიციპალიტეტი.
ქალაქის მოედანზე მოეწყო კომპანიების, მცირე მარნების და გლეხების მიერ ჭაჭის ნიმუშების გამოფენა-გაყიდვა.
საქართველოს ინტელექტუალური საკუთრების ეროვნული ცენტრის მიერ მოეწყო საქართველოს დაცული რეგისტრირებული გეოგრაფიული აღნიშვნების პრეზენტაცია.
კახეთის მუნიციპალიტეტებმა წარმოადგინეს საკუთარი კუთხისთვის დამახასიათებელი ეთნოსი, ტრადიციები და წეს-ჩვეულებები.
ფესტივალის სტუმრებს, ტურისტებს შესაძლებლობა ჰქონდათ კახეთისთვის დამახასიათებელი გასტრონომიული კუთხეები დაეთვალიერებინათ: მონაწილეობა მიეღოთ ჭაჭის გამოხდის, ჩურჩხელის ამოვლების და დაგემოვნების მასტერკლასებში.
ფესტივალის დასასრულს დაჯილდოების ცერემონიალზე ჟიურიმ გამოავლინა გამარჯვებული კომპანიები, გლეხები და მცირე მარნები.
ფესტივალი „ჭაჭა“ – 2022 გალა-კონცერტით დასრულდა.
ფესტივალი „ჭაჭა“-ს მხარდამჭერები და პარტნიორები: საქართველოს ეკონომიკისა და მდგრადი განვითარების სამინისტრო, საქართველოს გარემოს დაცვისა და სოფლის მეურნეობის სამინისტრო, კახეთის მხარეში სახელმწიფო რწმუნებულის ადმინისტრაცია, „საქპატენტი“, ტურიზმის განვითარების ასოციაცია, ქართული ღვინო 8000 რთველი, Georgia, Holiday INN.
