ჭაჭის ფესტივალი – 3 ნოემბერი, 2018 წელი, თელავი
ფესტივალის პროგრამა
საქართველოს კულტურის პალატის ინიციატივით და საქართველოს ტურიზმის ეროვნული ადმინისტრაციის მხარდაჭერით, ამა წლის 3 ნოემბერს ქალაქ თელავში გაიმართება ყოველწლიური „ჭაჭის ფესტივალი“.
ფესტივალის ჩატარების აუცილებლობა გამოიწვია იმ გარემოებამ, რომ უკანასკნელ წლებში საქართველოში შემოსულ უცხოელ ტურისტებს ძალიან აინტერესებთ საქართველოს სხვადასხვა კუთხის მრავალსაუკუნოვანი ისტორია, ქართველი ხალხის ყოფითი საკითხები, ტრადიცია, ზნე-ჩვეულებები და რიტუალები. ამ მხრივ ძალზედ საინტერესო და მრავალფეროვანია კახეთის მხარე და ფესტივალის ჩატარებით გაცოცხლდება კახეთში, შუა საუკუნეებში არსებული ეთნოგრაფია, ყოფა-ცხოვრება და ჩვეულებები.
ჭაჭის ფესტივალი მოიცავს მცირე თეატრალიზებული წარმოდგენებს, რომელიც გააცოცხლებს XVIII საუკუნის კახეთს, მის ეთნოგრაფიას, ტრადიციას და რიტუალებს. კონკრეტულად კი კახელი გლეხების ურთიერთდამოკიდებულებას, კახეთის სხვადასხვა სოფლებიდან ჩამოსული გლეხების მიერ ჭაჭის გამოხდის პროცესს;
ფესტივალის ფარგლებში ქართული ნატურალური პროდუქტს „ჭაჭა“ პოპულარიზაციას და რეკლამირებას გაუწევს მსოფლიოში აღიარებული ქართველი პრიმა-ბალერინა, საქართველოს სახლმწიფო პრემიის ლაურეატი და ღირსების ორდენის კავალერი ირმა ნიორაძე.
ფესტივალში მონაწილეობას მიიღებენ ქართული ჭაჭის მწარმოებელი კომპანიები;
გაიმართება დიდი კახური „ზაოტობა“, რომელშიც მონაწილეობის მიღება შეეძლება თითოეულ ტურისტს სურვილისამებრ.
ჭაჭის გამოხდასთან ერთად გაიმართება კახური სამზარეულოს კერძების დამზადება;
გაიმართება კახური ბაზრით, თავისი კოლორიტული თავისებურებებით – XVIII საუკუნის კახეთისთვის დამახასიათებელი ეპოქალური ნივთებით, ინვენტარით, კოსტიუმებით, ჭურჭლით და რეკვიზიტით.
ფესტივალის მიმდინარეობისას მთელი დღის მანძილზე 12-00 საათიდან 17-00 საათამდე ღონისძიებას წარუძღვებიან საქართველოში ცნობილი პიროვნებები, რომლებიც ცალკ-ცალკე წარმოაჩენენ თითოეულ გლეხს, მის მიერ წარმოდგენილ ჭაჭას, თავისი პატარა საიდუმლოებებით.
მთელი დღის მანძილზე ფესტივალის მიმდინარეობას დაამშვენებენ კახური ფოლკლორული ჯგუფები ტრადიციული კახური მრავალხმიანი სიმღერებით და კაფიებით.
ამ ფორმატში გაცოცხელბული კახეთი ძალიან საინტერესო იქნება არა მხოლოდ უცხოელი სტუმრებისა და ტურისტებისთვის, არამედ საქართველოს მოქალაქებისთვისაც.
ფესტივალის მიმდინარეობისას იმუშავებს ჟიური 2 შემადგენლობით: პირველი ჟიური შეაფასებს კახეთის სხვადასხვა სოფლიდან ჩამოსული გლეხების გამოხდილ ჭაჭას; მეორე ჟიური შეაფასებს ჭაჭის მწარმოებელი კომპანიების მიერ გამოხდილ ჭაჭას;
ფესტივალის დასასრულს 17-00 საათზე გაიმართება ჟიურის მიერ გამოვლენილი გამარჯვებულების დაჯიდლოება;
დაჯილდოების პროცესს მუსიკალურად გააფორმებს თბილისის საკონცერტო ორკესტრი „ბიგ ბენდი“ და გაიმართება კონცერტი ქართული ესტრადის ცნობილი წარმომადგენლების კონცერტი.
ფესტივლზე მოწვეული სტუმრებს ქართულ ნატურალურ პროდუქტს – ყურძნის ბრენდს „ჭაჭა“-ს გაუწიოს მეტი პოპულარიზაცია და გააცნოს ამ ნატურალური ქართული პროდუქტის ისტორია, მისი სასარგებლო თვისებები და შეაყვაროს იგი.
„ჭაჭის ფესტივალი“ გაიმართება Check in Georgia ფარგლებში.
მოწვეულ სტუმრები ფესტივალის დაწყებისთანავე ჩაერთვებიან ყველა ზემოთ ჩამოთვლილ აქტივობებში, ღონისძიების წამყვანებთან ერთად – კერძოდ,
- მონაწილეობას მიიღებენ სოფლებიდან ჩამოსულ თითოეულ გლეხთან ერთად ჭაჭის გამოხდის პროცესში;
- დააგემოვნებენ კომპანიების მიერ წარმოდგენილ ჭაჭას;
- ჭაჭის დეგუსტაციასთან ერთად, კახური მასპინძლობის გათვალისწინებით დააგემოვნებენ იმ კახურ კერძებს, რომლებიც უხდება ჭაჭას.
- გაეცნობიან კახური კოლორიტული ბაზრის თავისებურებებს, იქ წარმოდგენილ სურსათ-სანოვაგეს;
- ფესტივალის დასასრულს – დაჯილდოების ცერემონიის დროს და კონცერტზე ექნებათ საუკეთესო ადგილები;
- გამორჩეულ ტურისტებს ორგანიზატორებისგან ელოდება სიურპრიზები ფესტივალის დასკვნით კონცერტზე;
ფესტივალის დამფუძნებელია საქართველოს კულტურის პალატა
პრეზიდენტი – დავით ოქიტაშვილი